२. आपट्याची पाने : ही आप व तेज या कणांशी निगडित असल्याने शमीकडून प्रक्षेपित झालेल्या लहरी या आपट्याच्या पानांकडून ग्रहण केल्या जाऊन त्या आपतत्त्वाच्या बळावर प्रवाही बनवल्या जातात व जेव्हा या आपट्यांच्या पानांचे आदान-प्रदान होते, त्या वेळी हे तेजतत्त्वरूपी कण आपट्याच्या पानातून जिवाच्या तळहाताकडे संक्रमित होतात. यामुळे जिवाच्या हातावरील देवतांच्या स्थानांचे बिंदू कार्यरत होऊन त्या बिंदूतून ते ते आवश्यक तत्त्व जिवाच्या सूक्ष्मदेहापर्यंत आपकणांच्या साहाय्याने झिरपले जाते.
या कारणास्तव शमीची पाने घरात ठेवून दसर्‍याच्या दिवशी वायुमंडलाची शुद्धी करावी आणि त्यानंतर आपट्याच्या पानांतून तेजतत्त्व एकमेकांना प्रदान करून ईश्वरी राज्य स्थापनेला लागणारा क्षात्रभाव जागृत अवस्थेत ठेवावा. - एक विद्वान (सौ. अंजली गाडगीळ यांच्या मध्यमातून, १६.५.२००५, सायं. ७.३७)
प.पू. डॉक्टर : ‘शमी तम-रजात्मक असल्याने तिच्यातून प्रक्षेपित होणारे तेजकण हे वातावरणात आगीची निर्मिती करतात.’ तम-रजात्मक शमीतून तेजकण कसे प्रक्षेपित होतील ?
एक विद्वान : शमीतून प्रक्षेपित होणार्‍या तम-रजात्मक लहरी या तेजतत्त्वाच्या साहाय्याने वातावरणात प्रकट कार्य करतात. यामुळे प्रथम शमीपत्रातील रजोकणांच्या घर्षणातून उत्पन्न झालेली ऊर्जा तेजाची निर्मिती करते आणि हेच तेज अग्नीच्या रूपाने तमोकणांच्या साहाय्याने वातावरणातील काळ्या कणांचे विघटन करते, म्हणजेच शमीपत्र हे तमोकणांच्या साहाय्याने काळ्या कणांचा लय करते. (सौ. अंजली गाडगीळ यांच्या माध्यमातून, २८.५.२००५, सायं. ७.०७)
कोणत्याही टिप्पण्‍या नाहीत:
टिप्पणी पोस्ट करा